Иако во падок просторот постои сомнеж дека има имитација и копирање на голем дел од ланскиот Мерцедес од страна на Рејсинг Поинт, заменик тимскиот шеф на Вилијамс, Клер Вилијамс, смета дека сите тимовите ги почитуваат правилата, но падот во перформанси од скоро не е поради игнорирање на тој тренд.
Од пристигнувањето на Хаас Ф1 и нивниот модел да координираат со Далара за производство на нивната шасија, покрај блиската техничка соработка со Ферари, во 2020 година сите беа насочени кон Рејсинг Поинт кои промовираа неверојатно близок дизајн на болидот со Мерцедес од 2019 година.
Иако Рејсинг Поинт негираа дека нивниот РП20 е копија, велејќи дека ја промениле филозофијата на дизајнот за 2020 година благодарејќи на новите ресурси поради Лоренс Строл, тоа сепак е продолжување на трендот дека тимовите ги соединуваат ресурсите и произведуваат слични болиди, тактика која Ред Бул и Алфа Таури ја применија во текот на годините во рамки на правилата.
Мислам дека функционираат во рамки на правилата и тоа е дозволено, тоа е нивен избор. Тие имаат поинаков сетап од нашиот. Ние имаме оддел за производство и операции во тимот и немам намера тоа да го променам. Тие не го имаат тој капацитет, немаат толкави можности и има смисла за нив како бизнис. Сите имаме поинакви бизнис модели и самите го правите изборот.
Ние бевме успешни со бизнис моделот од скоро. Бевме успешни во 2014, 2015, 2016 и 2017 година. Последните две години се под знак прашалник. Не значи дека ако имате розев Мерцедес дека ќе бидете успешни.
Клучно за падот на перформансите и резултатите на Вилијамс во претходните две сезони е нивниот проблем да произведат конкурентен болид со лош дизајн што доведе до непостојан развој во однос на Формула 1 ривалите.
Мислам дека треба да создадеме издржлив спорт за сите тимови. Работата која е вложена од скоро, особено во финансискиот модел е толку важна за да создадете издржливост и стабилност за вашиот тим, бидејќи бизнис моделот треба да преживее и да биде успешен.
Не сме среќни со сегашната ситуација, ниту малку, бидејќи создава двостепено првенство, а сакате да создадете платформа во која секој тим ќе има можност да освојува поени, да биде на подиумот и да победува. Моментално, тоа го немаме.