Тимскиот шеф на Мерцедес, Тото Волф, очекува краткиот викенд за Големата Награда на Емилија Ромања на Имола да ги “зачини“ работите откако Формула 1 ќе се врати таму за прв пат по 2006 година.
Додека тимовите се соочуваат со двојни последователни трки по Португалија, Формула 1 се обиде да ги олесни работите со промена на викендот на само 2 дена. Тимовите и возачите ќе имаат само една тренинг сесија во Сабота наутро во траење од 90 минуги, а тоа ограничување може да остави простор за многу грешки.
Покажавме добра форма во Портимао откако се загреаа пневматиците и си заминавме со максимални поени, зголемувајќи ја предноста во првенството. Нашиот фокус сега е кон Имола, која е уште една патека на која не сме биле долго време.
Тоа е патека со многу историја, но Мерцедес се немале тркано досега таму, така што имаат повеќе непознати пред викендов.
Искусуваме непознат распоред, без тренинг во Петок и само една тренинг сесија во Сабота. Имавме неочекуван вовед во тоа по ситуацијата на Нирбургринг и врнежите. Може да очекуваме метеж во сесијата додека тимовите се обидуваат да го искористат времето. Ќе биде многу важно брзо да собираме податоци и да бидеме конкурентни во квалификациите и трката.
Видовме возбудливи трки на новите патеки годинава, а краткиот викенд ќе ги зачини работите, што значи дека фановите ќе уживаат.