Роман Гросжан сподели зошто мисли дека Џорџ Расел е најдобриот возач за директор на Асоцијацијата на Гранд При возачи во Формула 1.
По лошиот судар минатата сезона во Бахреин, Роман ја заврши предвреме својата Формула 1 кариера. Иако тој продолжи да се трка во Индикар, неговото заминување остави празнина во ГПДА.
Мислам дека Расел е вистинскиот човек. Потребен е млад човек во бордот кој ќе има нова визија и нови идеи. Добро е што Џорџ и Себ ќе менаџираат со ГПДА. Помеѓу нив има 10 до 15 години разлика која на патеката и не е толку голема.
Гросжан изјави дека сеуште е дел од ГПДА, но не е активен.
Сеуште контактирам со нив, но не сум активен член. Имаме WhatsApp група и им го давам моето мислење.
Французинот даде и свое мислење за границите на патеката за кои многу се зборува оваа сезона.
Ставете трева или песок покрај патеката и нема да треба да се грижите повеќе. Тоа е нешто што ми се допаѓа во САД и не се зборува повеќе за тоа.