По втор пат во исто толку квалификациски сесии, Серхио Перез имаше голема грешка.
Советникот на Ред Бул, Хелмут Марко има јасна порака за мексиканецот.
Советникот за моторспорт на Ред Бул, Хелмут Марко, му порача на Серхио Перез да се разбуди од сонот за светското првенство и да ја врати формата.
Мексиканецот повторно се мачеше во квалификациите за Големата Награда на Шпанија и ќе стартува на 11то место на гридот, а неговата сесија беше нарушена со возење низ чакал при крајот на К2.
Неволјата на Перез следи по несреќата во К1 за Големата Награда на Монако, поради која тој го остави кнежевството без поени и неговите надежи за титулата висат на конец. Тимскиот колега Макс Верстапен во меѓувреме обезбеди доминантна победа.
Со Серхио, работите не одат добро од Монте Карло. Тој треба повеќе да се концентрира на трките, а не на титулата. Се надевам дека ќе се опорави – изјави Марко.
Целиот викенд тој беше побавен за три до пет десетинки. Сега има втор последователен викенд со проблеми.
Тоа е друга ситуација и тој веруваше во својот сон за светското првенство. Сега Чеко добива релативно тежок повик за будење, но сигурен сум дека повторно ќе се подигне.
И покрај темпото на Ред Бул, со кое Верстапен се искачи од деветтото на првото место во Мајами, Марко ги намали шансите на Перез.
Подиумот мислам дека е многу оптимистичка слика – инсистира тој.
Ако стане жешко, абењето на гумите ќе биде поголемо, но можни се три застанување.