Мексиканецот беше под притисок по лошата форма во последно време.
Советникот за моторспорт на Ред Бул, Хелмут Марко, инсистира на тоа дека Серхио Перез очигледно се подобрува пред летната пауза во Ф1.
Големата Награда на Белгија овој викенд ја завршува средината на сезоната пред тринеделната пауза во Август.
Макс Верстапен веќе избега со трета титула кај возачите, пристигнувајќи на Спа-Франкошамп со 110 поени предност пред Перез по лошата форма на Мексиканецот.
Перез помина пет трки без настап во К3, соочен со континуирана тешка битка за освојување значајни поени.
Откако излета на првиот тренинг за Големата Награда на Унгарија, уште еден кошмарен викенд изгледаше предодреден да му се најде на патот на Перез. Но, со силно закрепнување избегна елиминација во К3, пред да се искачи од деветтото место на гридот на подиумот.
Тој очигледно се подобрува откако се избори од деветтото место на гридот до третото во Унгарија – изјави Марко.
Конечно тој повторно стигна до К3. Можете да видите нагорен тренд.
Кога Перез имаше судар во квалификациите за Големата Награда на Монако, тој му го откри на светот најважниот дел од болидот на Ред Бул, неговиот под.
Овој пат, за среќа, имаше малку да се види наспроти презентацијата во Монако – рече Марко.
Конструкцијата на долната страна е многу комплицирана и аеродинамиката влијае на управувањето со болидот.
Притисокот врз иднината на Перез во Ред Бул беше додаден со враќањето на Даниел Рикардо во АлфаТаури на местото на отпуштениот Ник де Врис.
Австралиецот го напушти гридот по разочарувачкиот двегодишен престој со Мекларен, но обезбеди оптимизам со солидните перформанси во Унгарија, завршувајќи на 13то место и во квалификациите и во трката за подобар резултат од тимскиот колега Јуки Цунода и покрај контактот со Жу Гуанју од Алфа Ромео и возачот на Алпин, Естебан Окон во свиокот 1.
Тоа беше совршено деби – инсистира Марко.
Дефинитивно беше вистинскиот избор да го вратиме. Тој создава позитивно расположение и енергија во тимот, дури и беше блиску до поени.