Шефот на Мекларен, Андреа Стела, вели дека тимот може да биде охрабрен од перформансите на МЦЛ60 и покрај тоа што ги мачеа проблеми на отворањето на сезоната во Бахреин.
Мекларен влезе во новата сезона подготвен за тежок почеток откако одлучи да ја смени својата развојна насока со МЦЛ60 кон крајот на 2022 година, а првата надградба од таа промена нема да пристигне се до Азербејџан кон крајот на Април.
Ландо Норис се квалификуваше на 11то место, откако првично се пласираше во К2 пред Логан Сарџент од Вилијамс, додека дебитантот Оскар Пиастри беше елиминиран во К1.
Првата трка на Пиастри траеше само 13 круга бидејќи електричен проблем во управувачот го попречуваше менувањето на брзините. Мекларен се обиде да го реши проблемот со промена на воланот, но Пиастри не можеше да продолжи во трката.
Изгледите на Норис беа загрозени од истекување на пневматски притисок што значеше дека тој мораа да влегува во бокс на секои 10 круга за полнење. Мекларен го задржа во трката во случај да има задоцнето безбедносно возило.
Тоа значеше дека Норис, кој се шегуваше дека барем Мекларен има многу тренинг за промена на гуми, ја заврши трката на 17то место во единствениот преостанат МЦЛ60 на патеката. Резултатот го остави Мекларен на дното на шампионатот за конструктори, но Стела е поттикнат од нивото на перформанси прикажано во Бахреин.
Мислам дека најпозитивниот елемент е тоа што без проблеми Ландо би бил силен кандидат за бодови – рече Стела.
Темпото на болидот во трката беше речиси над очекуваното. Мислам дека во трката гледаме одредена награда за работата што ја направивме во текот на зимата во обидот да ја подобриме интеракцијата помеѓу болидот и гумите.
Ова беше секако силна позиција од страната на Ландо, но исто така, Оскар, всушност имаше добра деградација во првиот стинт. Тој ги претекна болидите, тоа беше многу тесна трка, па можевме да бидеме во поени со два болида. Тоа е најпозитивен исход од овој настан.
Стела додаде дека пред да дојдат во Бахреин, влез во К3 ќе бил тежок подвиг, но изненадувачки биле подобри од очекуваното.
Другиот елемент што треба да го признаеме е средниот ред, не само средниот ред, туку и во трката е блиску. без виртуелното безбедносно возило не сум сигурен дека ќе имаше возачи без проблеми.
Мислам дека ако добро се тркаме и можеме да го подобриме болидот за неколку десетинки како што планираме, наскоро ќе имаме силни трки.
Мекларен треба да донесе мали надградби во Саудиска Арабија и Австралија пред својот значителен пакет за ажурирање во Азербејџан.