Екипата од Вокинг има за цел да се опорави по освоени само 17 поени на седум трки.
Тимскиот шеф на Мекларен, Андреа Стела, инсистира на тоа дека тимот е на вистинската насока и покрај мизерните трки во Монако и Шпанија.
Ландо Норис и Оскар Пиастри обезбедија двоен финиш на поени во Монако, но првиот го означи МЦЛ60 како најмалку седми најбавен болид на гридот, докажано со недостатокот на темпо во трката на патеката Каталуња.
Иако темпото на квалификациите беше позитивен знак за тимот од Вокинг, недостатокот на перформанси на трката го остави Мекларен на шестото место во поредокот за конструктори со само 17 поени.
Си отидовме од Шпанија со помалку од задоволителен резултат – рече Стела.
Се разбира, бевме многу среќни што ја започнавме трката со двата болиди во топ 10 по позитивната квалификациска сесија.
Трката се покажа како потешка во однос на темпото и поради инцидентот на Ландо во свиокот 1. Научивме лекции од тоа.
Мекларен се враќа во Монтреал за Големата Награда на Канада со надеж за подобрен резултат за да направи чекор кон петтопласираниот Алпин.
Канада е патека во која уживаат многу возачи – додаде Стела.
Тоа е уште една предизвикувачка патека, брзо тече, но со свиоци со мала брзина и оптоварување на сопирањето и грипот.
Ние сме на вистинската траекторија како тим за долгорочна основа и знаеме дека резултатите ќе почнат да ни доаѓаат откако ќе го подобриме болидот. Во меѓувреме, ќе се обидеме да извлечеме најмногу во Канада.