Контролата на трката поништи многу кругови поради надминување на ограничувањата на патеката за време на квалификациите за Австриското ГП.
Контролата на трката поништи неверојатни 47 круга за време на квалификациите за Голема Награда на Австрија.
Во документот издаден од ФИА по сесијата се прикажани сите избришани кругови од системот за возачи кои излегле од патеката во свиоците 6, 9 и 10.
Тоа го вклучува и Серхио Перез, кој го пропушти К3 четврти пат по ред за Ред Бул.
Џорџ Расел така го пропушти К3 откако неговиот најбрз круг беше избришан на крајот од К2. Тоа значи дека Расел е биде елиминиран во К2 во две од последните три трки, така што Перез не е единствениот со надолна форма во квалификации.
Само на Шарл Леклер и Логан Сарџент не беа избришани времињата по круг.
Прописите за границите на патеката се наведени во Додаток Л Поглавје 4 член 2в од меѓународниот спортски кодекс на ФИА и член 33.3 од спортските регулативи на Формула 1. Во истите е наведено:
Возачите мора да вложат максимални разумни напори да ја користат патеката во секое време и не смеат да ја напуштат патеката без оправдана причина.
Возачите ќе се смета дека ја напуштиле патеката доколку ниту еден дел од болидот не остане во контакт со патеката и, за да се избегне сомнеж, сите бели линии што ги дефинираат рабовите на патеката се сметаат за дел од патеката, но рабниците не се.
Контролата на Трка исто така ја искористила помошта од Центарот за далечински операции во Женева за преглед на потенцијалните прекршувања, слично на тоа како што работи видео асистираниот судија (VAR) во фудбал.
Оттука, претставниците на ФИА имаат пристап до повеќе агли од камерите и дополнителни податоци за да утврдат дали имало прекршок.
Ефикасноста на процесот се зголеми од изминатите години, откако на Перез му беа избришани сите негови К3 обиди по квалификациите во 2022 година поради прекршување на границите на патеката што се случи во К2.
Во текот на минатите години Австриското ГП имаше вкупно 43 поништувања на времето на круг, а неколку исто така беа на свиоците 1, 9 и 10.
Ред Бул Ринг е отскок на календарот поради природата на патеката, со многу од свиоците брановидни површини и природно ги повлекува возачите од тркачката линија.
| Возач | С6 | С9 | С10 | Вкупно |
|---|---|---|---|---|
| Ландо Норис | 0 | 0 | 6 | 6 |
| Карлос Саинз | 1 | 3 | 2 | 6 |
| Макс Верстапен | 0 | 0 | 4 | 4 |
| Пјер Гасли | 0 | 0 | 4 | 4 |
| Алекс Албон | 0 | 1 | 3 | 4 |
| Естебан Окон | 0 | 0 | 3 | 3 |
| Серхио Перез | 0 | 1 | 2 | 3 |
| Нико Хулкенберг | 1 | 1 | 0 | 2 |
| Луис Хамилтон | 0 | 0 | 2 | 2 |
| Жу Гуанју | 0 | 0 | 2 | 2 |
| Кевин Магнусен | 0 | 0 | 2 | 2 |
| Ленс Строл | 0 | 2 | 0 | 2 |
| Фернандо Алонсо | 0 | 1 | 1 | 2 |
| Ник де Врис | 0 | 0 | 1 | 1 |
| Јуки Тсунода | 0 | 0 | 1 | 1 |
| Џорџ Расел | 0 | 1 | 0 | 1 |
| Оскар Пиастри | 0 | 1 | 0 | 1 |
| Валтери Ботас | 0 | 0 | 1 | 1 |