Возачот на фабричкиот тим на Рено, Естебан Окон, изјави дека серија на проблеми ја уништиле неговата трка за Големата награда на Емилија Ромања на Имола што е трета незавршена трка за него во последните пет тркачки викенди.
Французинот е во сенка на Даниел Рикардо кој заврши на подиумот по втор пат за три трки. Окон можеше да најде утеха во борбата на Рено за трета позиција зад Мерцедес и Ред Бул и сега тимот е на само еден поен пред Мекларен и Рејсинг Поинт.
Имав тежок викенд. Мислам дека неколку проблеми и лоши квалификации ми ја уништија трката. Прв проблем беше што ми летна дел од сопирачките, подоцна имав проблем со спојката и на крај преносот се скрши – разочаран е французинот.
Окон требаше да му помогне на тимот да оди напред кај конструкторите. но не успеа да донесе поени. Наредната година негов колега ќе биде Фернандо Алонсо кој беше на Имола и го гледаше тимот, додека Рикардо оди во Мекларен.
Навистина сум среќен со подиумот на Даниел. Одлично е што може да се види силата на тимот и тоа е позитивно.
Очигледно не можам да помогнам во моментов, Но среќен сум што се бориме за трето место и тоа е добро.