Откако не успеа да ја претвори првата пол позиција во прва победа, Џорџ Расел откри дека проблемите со гумите при крајот на трката му ја уништиле шансата да победи и “паднал“ на трета позиција.
Откако ги изненади сите со пол позицијата, Расел водеше првите 30 кругови во Унгарија. Беше претекнат од Шарл Леклер, загуби позиција преку боксот од Макс Верстапен и на крај Луис Хамилтон го престаса со понови гуми на пет кругови до крајот.
Имав силен старт и добра прва серија, но на крајот на медиум почна да доаѓа дождот и се мачев да ги загреам гумите. Се гордеам со работата на тимот за пол позиција и двоен подиум. Дефинитивно правиме напредок и горд сум на сработеното – посочи моначанецот.
Расел го објасни расположението по трката.
Сигурен сум дека некои работи можеа да се сработат подобро. Предизвикувачки е за менаџирање на гумите и рано менувавме. Се обидуваш повеќе да ги користиш гумите и да бидеш побрз, но тоа е предизвикувачка позиција за себе и среќен сум што сум на подиум.
Расел додаде дека ќе оди да ги наполни батериите на летната пауза и ќе се врати посилен.
Имавме неверојатен старт на сезоната и паузата добро ќе ни дојде. Се враќаме ресетирани, одморени, фокусирани и ќе се обидеме да се бориме за победи.