Даниел Рикардо не бил во можност да ги оспособи гумите односно да ги загрее на потребната температура за да може да форсира на Големата награда на Португалија.
Рено и Рикардо беа на високо ниво во последните неколку трки што кулминираше со подиум за Рикардо на Нирбургринг, но серијата од топ 6 пласмани за австралијанецот заврши на Портимао и тој остана на 9та позиција на крајот од трката.
Иако е среќен што освоил поени, сепак е фрустриран од неможноста да ги проработи гумите што го чинело шанса за напад на погорните позиции.
Стартот беше луд и успеав да напредувам неколку места и да дојдам до 8ма позиција. Тогаш почнав да се мачам за грип на софт и влегов порано во бокс.
Имав долг стинт со медиум и морав да ги менаџирам гумите. Никогаш не успеав да ги проработам за да можам да форсирам.
Осма и деветта позиција за тимот не е лош резултат и мислам дека тоа е што можевме овој викенд – вели рикардо.
Подобрата позиција беше освоена од Естебан Окон кој е среќен со неговите перформанси овој викенд. Рено останува да се бори за трета позиција кај конструкторите пред трката во Имола.