Карлос Саинз ја заврши трката за Големата награда на Азербејџан на 5то место по, како што признава возачот на Ферари, многу предизвикувачки викенд низ Баку.
Шпанецот се мачеше во текот на викендот во Баку, не можеше да го изедначи темпото на тимскиот колега Шарл Леклер во петокот или саботата и поради тоа се чувствуваше непријатно за време на неделната трка. Завршувањето на трката на петто место дојде како олеснување за Саинз.
При првата серија на медиум, како да најдов малку темпо – изјави Саинз.
потоа, штом преминав на хард компонента, повторно се појавија моите проблеми од викендот и можев да стигнам само до петто место.
Бев на границата на судар или чувство како да го губам болидот, така што беше прилично долга трка и ментално стресна.
ззавршив на петто место. Сигурен сум дека ќе дознаеме зошто се случи ова овој викенд и сигурен сум дека во Мајами ќе се вратиме посилни.
Кога го прашале дали разбира зошто викендот бил толку тежок, Саинз посочи дека немало време да се разгледа ова прашање.
Не, затоа што немавме време да седнеме и да анализираме – објасни тој.
Моравме многу брзо да одиме на следната сесија, да го подесиме болидот со предното крило за да биде малку подобар. Но, немавме време да навлегуваме длабоко во податоците за да се види што се случи овој викенд.
Сигурен сум дека, заедно со моите инженери, ќе дознаеме што се случи и ќе се вратиме во форма во Мајами.