Ленс Строл вели дека почувствувал дека целиот свет му се руши кога ги скрши зглобовите во велосипедска несреќа само неколку дена пред тестирањето во Формула 1, за потоа да се врати со пласман на шесто место на Гранд При трката во Бахреин.
Три дена пред предсезонскиот тест на Бахреин, Астон Мартин објави дека Строл ќе го пропушти тестирањето откако се здобил со повреди за време на тренинг во Малага претходниот викенд. Подоцна беше откриено дека тие повреди вклучуваат фрактури на двата зглобови, како и скршен палец на десната нога.
Додека резервниот возач Фелипе Другович ги презеде должностите за тестирање, канаѓанецот беше опериран од познатиот хирург во МотоГП, Ксавиер Мир, додека се соочуваше со трка со часовникот за да се опорави навреме за отворањето на сезоната минатиот викенд. На Строл му беа вметнати завртки во десниот зглоб и по сесијата во симулатор минатата среда, доби дозвола да учествува на тркачкиот викенд во Бахреин.
Астон уживаше во скок во перформансите со својот нов АМР23, додека болниот потфат на Строл се исплатеше со финишот на шестото место, додека тимскиот колега Фернандо Алонсо се искачи на третото место на подиумот. Откако откри дека лекарите му предвидувале да биде способен само за третата трка во Австралија, Строл ги сподели како што ги нарече, најлудите две недели во неговиот живот бидејќи чувствувал дека целиот свет само се распаѓал пред него.
Тоа беа најлудите две недели во мојот живот – изјави Строл.
Паднав од велосипедот и се удрив многу силно. веднаш знаев дека двата зглобови се повредени. Го забележав мојот палец само на крајот на денот, бидејќи бев многу фокусиран на зглобовите.
Целиот мој свет само се распаѓаше пред мене, затоа што веќе мислев дека веројатно ќе пропуштам неколку трки. Сите тие мисли ви поминуваат низ главата и беше ужасен тајминг, четири дена пред тестот.
Строл оцени дека помошта од доктор Мир, кој има работено со бројни повредени МотоГП возачи, му дало најголема шанса да направи неверојатен камбек во Бахреин.
Тој изведе операција на мојот десен зглоб, а потоа левиот зглоб го стави во лонгета.
Ми рече дека ќе ме имобилизира две до четири недели на левиот зглоб, но не знаеше колку време ќе биде потребно за десниот зглоб, надевајќи се дека во Бахреин ќе можам да возам, дека на прстот ќе му треба време.
Откако го гледаше тестот од неговата хотелска соба во Барселона, Строл рече дека сè уште не очекувал да се врати на трката бидејќи бил далеку од способен за возење. Но, брзиот напредок на почетокот на минатата недела значеше дека неговите шанси се подобрија и иако Мир му даде зелено светло да патува во Бахреин, болната сесија на симулатор во Силверстон потврди дека може да вози.
Не мислев дека наскоро ќе можам да бидам во болидот, Не можев да се движам, Бев далеку од тоа да возам. Бев, само со мојот остеопат Хенри 10 часа на ден, правејќи рехабилитација – продолжи тој.
Минатата недела, околу понеделник или вторник, одеднаш можев да почнам да чувствувам малку повеќе движење. Бев во симулаторот во средата и ме болеше премногу, но помислив дека доколку стигнам во петок за Т1, можеби ќе можам да го направам тоа.
Докторот рече дека зглобовите се доволно здрави за да возам. Значи, бев добро и реков дека ќе одам да се обидам. Успеав да седнам во болидот во петокот. Како и да е, тоа беше одлично животно искуство.
Строл видно се бореше со болки откако излезе од болидот.
Да, имав болки. Само требаше да имам верба во зглобовите. не ми даваше самодоверба целосно да го притиснам болидот 100 проценти бидејќи тоа се уште е тешки.
Благодарам на целиот медицински тим. Доктор Мир, мојот остеопат, имаше толку многу луѓе кои ми помогнаа.