Резултатите од истрагата на ФИА за Абу Даби се објавени, но нема понудено извинување до Луис Хамилтон или за Мерцедес.
Мајкл Маси, поранешниот директор на трката на ФИА, ги повика само заостанатите болиди помеѓу Хамилтон и Макс Верстапен во завршните етапи на Големата награда на Абу Даби да се вратат во водечкиот круг. Ова му обезбеди на Верстапен, кој беше на свежи гуми, огромна можност да го претекне Хамилтон. Во извештајот се вели дека одлуката била човечка грешка, но Маси постапил со добра волја и најдобро што знаел.
Хамилтон изјави:
за жал, Не можеме да се вратиме назад и да го промениме минатото, па гледам само што можам да направам сега. Не очекував извинување и тоа не е нешто на што се фокусирав.
Знаеме дека е така и тоа веројатно нема да се случи, Но барем постои таа транспарентност и тоа е наречено човечка грешка и тоа е позитивен чекор.
Тимскиот директор на Мерцедес, Тото Волф, беше налутен од она што се случи при одлучувањето за титулата. Маси повеќе не е директор на трката, а гласините во Декември сугерираа дека доколку ФИА се ослободи од Маси, Мерцедес ќе се откаже од жалбата. Мерцедес негираше дека е така. Волф изјави:
Без разлика дали извештајот е тежок, тоа е добар чекор напред во однос на владеењето. Можете да го прочитате на кој било начин, но за нас постојат зборови кои велат “човечка грешка“ и признавањето на тоа е многу важно.
Да се продолжи со Абу Даби не ми го олеснува животот. Трофејот е во туѓа витрина и поглавјето е затворено.
Верстапен и Хамилтон рекоа дека сакаат да повлечат линија по настаните во Абу Даби и да продолжат да се фокусираат на оваа сезона.