Откако Пјер Гасли беше принуден да падне шест места на гридот за Големата Награда на Шпанија по два инциденти со блокирање за време на квалификациите, Отмар Шафнауер вели дека тимот направил чекори за да се осигура дека таков инцидент нема да се повтори.
Шафнауер вели дека тимот имал дискусии со Пјер Гасли со цел да се избегне повторување на инцидентите поради кои тој беше жртва за време на квалификациите во претходната трка во Шпанија.
Гасли се квалификуваше на најдоброто четврто место во сезоната во Барселона, но падна на десеттото место на гридот откако доби две одделни казни за попречување на Карлос Саинз и Макс Верстапен за време на К1.
Гасли на крајот ја заврши трката на истата позиција откако првично падна на 14то место во првиот круг, но Шафнауер смета дека поголем успех ќе бил возможен доколку французинот стартувал од четвртото место.
Се сретнавме помеѓу Шпанија и Канада со Пјер и неговиот инженерски тим за да разговараме за стратегијата за комуникација, како комуницираме со него, информациите што му се потребни, времето на информациите што ги добива, што прави со тие информации, само за да може да биде малку подобро, бидејќи беше жално тоа што се случи – изјави Шафнауер.
Доколку тој всушност стартуваше четврти и возеше четврти наместо да започне од позади, а потоа да биде притиснат широко и да заврши 14ти по првиот круг, тоа е значително различно од возење на четвртото место.
Мораме да бидеме сигурни дека кога ќе се квалификуваме толку високо, ќе можеме да се тркаме таму и ќе направиме некои работи поинаку, особено на страната на Пјер.
Естебан е повеќе навикнат на својот инженерски тим бидејќи е со нас многу подолго.