АлфаТаури станаа вториот тим кој го откри својот болид за 2021 година, АТ02 кој Пјер Гасли и Формула 1 дебитантот, Јуки Тсунода, ќе го возат оваа сезона, а шефот на тимот Франц Тост јасно стави до знаење за својата цел во новата сезона.
Главна новина на АТ02 е новиот и посилен мотор на Хонда за 2021 година, а однадвор и сосема нова шара. Тимот очекува да ги надградат резултатите од 2020 година, во која Пјер Гасли победи Големата Награда на Италија и со поранешниот тимски колега Даниил Квјат освоија 107 поени, најмногу во историјата или на АлфаТаури или на Торо Росо.
Исто така, новак во тимот е Јуки Тсунода, 20-годишниот јапонски возач кој го заменува Квјат по завршувањето на сезоната во Формула 2 во 2020 година на третото место. Тсунода е подготвен за своето деби во Формула 1 по голем број тестови во болидите на Торо Росо и АлфаТаури , вклучително и возење со Торо Росо СТР14 на италијанската патека Мисано на почетокот на овој месец.
Директорот на тимот, Франц Тост, ги претстави својот состав и амбициозната цел за сезоната во 2021 година.
Во 2020 година Скудерија АлфаТаури беше тим од средниот ред, ние успешно се боревме против другите тимови како Мекларен, Рено и Рејсинг Поинт, но нашата цел за оваа година е постојано да бидеме на врвот на средниот ред и да напредуваме понатаму.
За да го постигнеме ова, ние треба да избегнеме проблеми со сигурноста и да ги завршиме сите трки во поени. Ова може да се случи само ако не направиме никакви грешки, па затоа мора да бидеме 100% концентрирани на нашата работа, трка по трка, вклучително и надвор патеката, бидејќи нашите конкуренти се тешки за борба. Ќе дадеме се од себе за да обезбедиме добро шоу за сите љубители на Фormula 1.
Како изгледаше промоцијата?
please welcome the newest addition to the AlphaTauri family, the AT02! 🔥
did we bring the heat? pic.twitter.com/hW6jNYImkG
— Scuderia AlphaTauri (@AlphaTauriF1) February 19, 2021