Третата трка во САД во Лас Вегас се приклучува на календарот од оваа година, но дали треба да се додадат уште трки во Америка?
Поранешниот светски шампион во Ф1, Марио Андрети, го предупредува менаџментот на спортот да не претеруваат со повеќе трки во САД.
Шампионот од 1978 година инсистира на тоа дека моменталната бројка од три трки, додавањето на Лас Вегас покрај Остин и Мајами на распоредот, е совршена бројка.
Ф1 доживеа бум на пазарот во САД во последниве години, со зголемување на гледачите со рекордна посетеност на Големата Награда на Соединетите Американски Држави во Остин, во голема мера поради заслуга на документарната серија на Нетфликс, Drive to Survive.
Но, отфрлајќи ја секоја шанса да се додаде четврта трка за да се искористи растот, Андрети изјави:
Мислам дека може да претерате до одреден степен.
Во Формула 1, нема друга земја на планетата која има три настани, па треба да бидеме среќни со тоа и да го искористиме максимумот од тоа.
Не треба да се обидуваат да се надминат себеси.
Лас Вегас ќе се врати во календарот за прв пат од 1982 година, иако овојпат познатиот хотелски Стрип ќе биде дел од самата патека.
Но, посветеноста на Ф1 за изградба на сопствен објект подолу на Стрипот го привлече вниманието на Андрети, кој додаде:
Мислам дека најпозитивниот дел во тоа е дека има огромна финансиска посветеност таму, со закуп на имотот во центарот на градот, кој ќе остане постојан за годините што доаѓаат.
Изгледа дека иднината е солидна за тоа и тоа е многу важно бидејќи многу од овие улични настани доаѓаат и си одат.
Но, она што го имаат во Лас Вегас не е само за викенд.
Има многу причини да се радуваме како фанови на Ф1 овде.