Валтери Ботас смета дека ништо не укажува дека тимот на Заубер не може повторно да победува во Формула 1 откако претходно ќе добие голема инвестиција од Ауди за 2026 година.
Ауди денеска на прес-конференција во Спа објави дека ќе влезе во Формула 1 како производител на мотори од почетокот на циклусот на нови правила за мотори од 2026 година, при што МГУ-Х ќе биде елиминиран и ќе се користи целосно одржливо гориво во комбинација со многу посилен електро мотор. Иако се уште се чека официјална потврда, се очекува дека Ауди ќе влезе во соработка со Заубер и дека шасијата на болиди ќе биде изградена во швајцарскиот објект во Хинвил.
Заубер, кој моментално работи под брендот Алфа Ромео, работи добро во рамките на тековната годишна буџетска граница од 140 милиони допари (во последно време зголемена за 3,1 проценти поради инфлацијата). Но, условот за нивниот сопственик Фин Раусинг да ја прифати инвестицијата на Ауди, покрај купувањето на уделот, подразбира дека се дополнителни 250 милиони фунти за развој на тимот и зачувување на работните места.
Ова теоретски ќе помогне да се реши сегашното ограничување на Заубер, за кое поранешниот Гранд При возач на Мерцедес, Валтери Ботас, смета дека е недостаток на човечка моќ за производство на надградени делови. Доколку ова се измени, Ботас смета дека нема ништо што би укажало дека тимот не може да биде победник уште еднаш.
Во однос на тоа како е фабриката и очигледно луѓето што ги имаме во моментов, да, тоа може да биде тим на челните позиции. Но, мислам дека факт е дека сè уште има некои тимови кои имаат поголема работна моќ, повеќе луѓе.
Би рекол дека ни недостасува малку човечка сила при производството, што значи дека дури и ако има некои делови што се веќе нацртани и тестирани во воздушниот тунел кои се побрзи, едноставно не можеме физички да ги направиме доволно брзо за да ги внесеме во болидот.
тоа значи дека има повеќе потенцијал и мислам дека стигнуваме до таму. Она што го видов од воздушниот тунел и фабриката, капацитетите се таму. Нема ништо што би покажало дека не е можно да се победи.
Алфа Ромео моментално се шести во шампионатот за конструктори во 2022 година и е на пат за најдобар финиш од 2012 година, кога постигнаа четири подиуми. Нивната единствена победа на трка дојде во 2008 година, кога Роберт Кубица постигна победа во Канадското Гранд При.