Не престануваат шпекулациите за иднината на Холанѓанецот.
Возачот на АлфаТаури, Ник де Врис, инсистира на тоа дека не е дел од спортот за забава додека притисокот над него и понатаму продолжува.
Иднината на поранешниот светски шампион во Формула Е е изложена на ризик поради разочарувачкиот почеток на сезоната со тимот од Фаенца, а де Врис е еден од двајцата возачи кои останаа без поени по воведните девет трки.
Советникот за моторспорт на Ред Бул, Хелмут Марко, се огласи во своите критики за Холанѓанецот, бидејќи јуниорската програма на тимот дозволува голем број потенцијални опции за замена, како и сегашниот резервен Даниел Рикардо.
Но, пркосниот Де Врис изјави:
Само се обидувам да продолжам да се фокусирам на себе и да бидам најдоброто што можам.
Тоа не е само на патеката, туку и надвор од патеката и спортот и страста ги сфаќам многу сериозно, не сум тука да се забавувам.
Но, не мора да мислам дека има една одредена област, само сакам да се претставам подобро како целина.
Иако Јуки Цунода доминираше во битката во тимот против Де Врис, АлфаТаури имаше проблеми со болидот уште од воведната трка од сезоната.
Навистина се надевам дека надградбата ќе ни донесе малку повеќе перформанси.
Изминатите две трки беа малку тешки за нас како тим. Секогаш е малку непознато да се предвиди и очекува како тоа ќе функционира на патеката, но се надевам дека ќе не доближи до топ 10.
Искрено, не знаеме во оваа фаза. Има причина да се надеваме дека ќе направиме мал чекор напред, но сè уште не е познато.