Алфа Ромео Ф1 потврдија дека Жу Гуанју останува со тимот и наредната сезона.
Овие вести се очекуваа веќе некое време и сега е познато дека тимот ја искористил опцијата да продолжи со кинескиот возач и наредната сезона.
Жу освои поени на своето деби со Алфа Ромео, но и подоцна во неколку наврати заврши во топ 10. Тимот е имрпесиониран од неговиот однос и посветеност.
Фред Васур, шефот на екипата, верува дека Жу е изненадувањето на сезоната и ќе напредува уште во наредната.
Со нетрпение очекувам да ја продолжам работата со Жу. Од ден на ден тој продолжува со напорната работа со тимот и тоа има позитивен ефект.
Знаеме дека е брз и за брзо време се адаптираше во тимот. Тој покажа интерес да поставува прашања и да учи од инженерите и од Валтери. Има искуство сега и ќе биде уште подобар наредната година.
Жу е презадоволен од дадената шанса.
Влезот во Ф1 ми е исполнување на сонот и ќе остане со мене. Тимот ми дава поддршка уште од првиот ден да се адаптирам. Имам уште многу што да покажам и направам во спортот. Имам многу да научам и тоа може да се направи само со напорна работа.