Болидот на Торо Росо со кој Пјер Гасли дојде до првиот подиум во Формула 1 кариерата ќе се најде на продажба.
Откако беше заменет од Ред Бул таа година, тој се врати во својот поранешен тим. Французинот успеа да ги импресионира сите и успеа да заврши на подиум на претпоследната трка таа година за време н аГолемата награда на Бразил во Сао Паоло.
По рестартот на трката, двата болиди на Ферари имаа инцидент и пред време ја завршија трката, а Луис Хамилтон го изврте Албон со што Гасли дојде до втора позиција која ја задржа до крајот.
Како еден од најдобрите моменти на тимот и возачот, болидот што успеа да го направи тоа се наоѓа на продажба и е прикажан на https://racecarsdirect.com/ без одредена цена.
Сепак тој доаѓа само како шасија без мотор и може да служи само за изложба. Покрај тоа секој друг дел е оригинален и дури има менувач, волан и сопирачки.