Фернандо Алонсо после долги 7 години се врати на подиумот овој пат во Катар по 104 трки без топ 3 пласман во врвната моторспорт тркачка серија.
Формула 1 легендата и четирикратен шампион, Алан Прост, кој има посебна улога во Алпин, го пофали дека е најдобар возач на гридот. Шпанецот последен пат беше на подиум со Ферари во 2014 година пред да премине во Мекларен неколку години и подоцна направи двегодишна пауза.
Со целата почит, делам подиум со Хамилтон и Верстапен – изјави гордо Алонсо.
Прост по него изјави:
За мене, тој е најдобриот возач на гридот. Доколку ја погледнеме трката во целост и како ги менаџираше гумите, тој даде многу информации на инженерите.
Прост призна дека кога Рено одлучиле да го донесат Алонсо во Формула 1 тој бил скептичен.
Фернандо секогаш ми велеше дека тој е различна личност и се чини дека бил во право. Тој е во служба на тимот и е многу добар за тимот.