Поради потешкотиите на Ник де Врис, дали Даниел Рикардо може да се врати на гридот со тоа што ќе го замени возачот во АлфаТаури?
Даниел Рикардо вели дека имал доволна пауза од Ф1 и не ја отфрли можноста да вози за АлфаТаури следната година.
Заедно со Хаас и Вилијамс, Ред Бул учествуваат на тестот на пневматиците на Пирели во Силверстон во вторник и среда оваа недела, давајќи му го на Рикардо неговото прво возење на РБ19 на Ред Бул откако се приклучи на тимот како тест и резервен возач претходно оваа година.
Рикардо последен пат возеше Ф1 болид во финалето на сезоната во 2022 година во Абу Даби и зборуваше за неговата желба повторно да седне зад воланот.
Токму така е! Тука сум само за да возам воопшто. Доста ми е од паузата.
Но, се разбира, тоа е феноменален болид и возбуден сум што ќе го возам на Силверстоун, а исто така и на патека со таква голема брзина.
До овој момент, Рикардо главно беше ограничен на ѕидот во боксот на Ред Бул и на тимскиот симулатор, а Австралиецот рече дека едвај чека уште еднаш да биде дел од Ф1 гридот.
Да, се разбира ми недостига, ова е мојот омилен дел од тркачкиот викенд.
Кога сте на патеката, навистина е прекрасно и гридот е преполн, тоа е малку како зоолошка градина и е хаос, но тоа е еден вид забавен хаос. Затоа ми недостига, но сето тоа е добро.
Оставам се да се случи како што ќе дојде и имам уверување дека во одреден момент ќе се вратам на гридот. Очигледно не сум 100 проценти сигурен во тоа, но убеден сум дека ќе се повтори еден ден.
Никогаш не се знае – рече Рикардо на прашањето за можноста да го замени Де Врис.
Останувам подготвен. Седев на каучот два месеци за време на Божиќ, но оттогаш се враќам на мојот тренинг и уживам во тоа.