Рич Енерџи тврдат дека се враќаат во Формула 1 откако “сојузник“ се согласил на договор за купување мнозински пакет акции во постоечки тим.
Компанијата за енергетски пијалоци се покажа како еден од најбизарните спонзори во историјата на Формула 1 кога се поврзаа со Хаас како спонзор во 2019 година, иако таа соработка не се одржа ниту до крајот на сезоната.
Но, ако му се верува на нивниот основач, контроверзниот Вилијам Стори, тогаш Рич Енерџи ќе се врати во Формула 1 оваа година како дел од договорот склучен од нивниот “стратешки сојузник“ за купување на тим во Формула 1. Рич Енерџи тогаш ќе стане официјален спонзор на тимот за 2022 година.
Со задоволство објавувам дека Рич Енерџи се враќа во Формула 1.
За жал, поради слабите перформанси на патеката и надвор од неа во 2019 година, за жал, морав да се разделам со Хаас.
Во последната година работевме неверојатно напорно за да доведеме до ренесанса на Рич Енерџи ширум светот, каде милиони потрошувачи го пробуваат нашиот пијалок.
Откако ја напуштив Формула 1, работев многу внимателно за да направам враќање и забележав дека во Формула 1 има навистина нова финансиска реалност. Наместо 10 или 12 милиони луѓе да гледаат Формула 1 на BBC или ITV, тоа е всушност неколку стотици илјади на Sky.
Имаше голем број тимови во финансиски проблеми, на пример Мекларен направи продажба и изнајмување на нивниот технолошки центар Вокинг, а Вилијамс беа во финансиски проблеми сè додека не беа спасени од нашите пријатели во Дорилтон Капитал.
И, очигледно, дури и Хаас сега мораше да бара платени возачи поради нивната слаба финансиска позиција.
Затоа, барав начин на кој Рич Енерџи би можел оптимално да се врати и да му помогне на тимот со кој ќе работиме.
Стратешки сојузник на Рич Енерџи се согласи да купи мнозински удел во постоечки тим. Истражувавме со новите регулативи, кои всушност влегоа во нашиот тим за 2022 година, што би бил Формула 1 тим на Рич Енерџи.
Но, еден наш пријател се согласи на договор за мнозински удел во тим во Формула 1, и ние ќе станеме партнер на тој тим за 2021 година. Откако ќе се објави таа аквизиција, ќе станеме главен спонзор за 2022 година. Навистина се радувам на натпреварувањето со нашите конкуренти на патеката, ќе бидам на првата трка, 28 март во Бахреин – изјави Стори на својот Твитер профил.