Оваа Формула 1 сезона ќе започне во Австрија, на Ред Бул Ринг, со планирани трки на 5 и 12 Јули откако организаторите добија дозвола од Австриската Влада.
Во последните недели Формула 1, Ред Бул и локалните власти водеа разговори за безбедносниот план за почетокот на трките. Министерот за здравство на Австрија, Руди Аншобер, изјави дека се е завршено со евалуацијата и процесите и се чека на финална одлука.
Сега веќе работите се забрзани и Формула 1 ќе започне со европскиот дел од сезоната. Безбедносниот протокол е донесен и се одобрени два тркачки викенда со ограничена публика. Лимитот е 500 гледачи, но сеуште нема точни детали.
Сите кои ќе дојдат на патеката треба да дојдат со чартер летови директно до Ред Бул Ринг и да слетаат на воениот аеродром блиску до патеката. Сите кои ќе влезат во Австрија од Формула 1 ќе бидат тестирани на влез и мора да добијат здравствен сертификат.
Доколку се помине во најдобар ред, Формула 1 се сели во Будимпешта на 19 Јули додека потоа се планирани две трки на Силверстон во Август, но се зависи од здравствените планови.