Формула 1 ќе има дозвола да остане во Лас Вегас најмалку до 2032 година, откако комисијата на округот Кларк едногласно ја потврди трката како годишен настан.
Гласањето го отвора патот за спортот, кој моментално има тригодишен договор до 2025 година, да се трка по познатиот Лас Вегас Стрип цела деценија. Формула 1 ќе го посети градот во државата Невада овој Ноември за првата трка околу нова улична патека, а трката, за прв пат во историјата на спортот, ќе се одржи во Сабота навечер.
Коцкарската престолнина ќе биде домаќин на претпоследната трка од сезоната годинава, но се надева дека ќе биде постојана точка на календарот понатаму.
Комисијата на округот Кларк се откажа од 120-дневното временско ограничување за поднесување апликација за специјални настани на улиците на Лас Вегас за Големата Награда на Лас Вегас на Формула 1 почнувајќи од секоја Среда до Недела, од 2023 до 2032 година. Проектниот менаџер Тери Милер истакна дека очекува Ф1 да достигне невидени брзини околу тркачката патека.
Ќе имаме 17 различни кривини на патеката и ќе достигнеме брзина од 340 километри на час.
Мислам дека ќе постигнеме рекорд за Формула 1 во Лас Вегас во однос на вистинските брзини за тркачите.
Ф1 купи значителен дел од земјиштето во Вегас минатата година, што го користи за изградба на зградата на падокот. Објектот треба да има огромно лого на Формула 1 на покривот, кое се удвојува како LED екран за да го видат луѓето кои летаат над градот.
Не добивате чувство за големината на оваа зграда додека не излезете на локацијата – рече Милер.
Долга е 305 метри, така што е поголема од три фудбалски игралишта, а Широка е 35 метри.
Значи, тоа е убаво, прилично значајно во однос на големината и конфигурацијата на оваа зграда на таа локација.
Предлогот доби едногласност, при што претседателот на комисијата Кларк Џејмс Б. Гибсон истакна дека тој предвидува доживотно партнерство со Ф1.
Мислам дека е важно да се напомене дека имаме тригодишен договор со Формула 1, но очекуваме заеднички живот во партнерството – рече тој.
Ова ќе го отвори патот да го правиме тоа барем 10 години, а потоа, сигурен сум дека оние што ќе нѐ наследат ќе ја видат вредноста на она што го направивме и ќе продолжат да го прават тоа засекогаш.