Тројцата јуниори на Рено учествуваат во четиридневен тест возејќи го болидот на Рено од 2018 година како дел од нивната развојна програма.
Иако Кристијан Лундгард и Гуаниу Жу веќе имаат возено Формула 1 болид, Оскар Пјастри за прв пат проба Формула 1 болид. Пјастри е моментален Формула 3 шампион и извозе 82 круга на вториот ден на тестот со различно ниво на гориво на повеќе различни гуми на Пирели.
Откако го извозев првиот круг, веќе немаше нервоза и се фокусирав на забава и возење брзо. Навистина уживав и мислам дека имав добро темпо.
Се навикнав брзо на болидот и мислам дека научив многу. Со нетрпение го чекам следното искуство благодарение на Рено и на академијата. Многу сум среќен бидејќи сите не добиваат ваква шанса – среќен е пјастри.
Лундгард возеше на првиот ден и извозе вкупно 101 круг со симулации на квалификации и трки.
Жу се трка со Лундгард во Формула 2 и возеше на последните два дена на тестот. Првиот ден болидот на Жу имаше проблеми и не успеа да комплетира многу кругови, но во вториот ден тој надомести.
Миа Шаризман, Директорот на Рено Академијата изјави:
Добро е што Кристијан и Жу успеја да ги комплетираат нивните програми пред последните трки во Формула 2 во Бахреин. Двајцата комплетираа над 100 кругови и ова е голем чекор напред по ланскиот тест со болидот од 2017 година.
Импресиониран сум од пристапот на Оскар. Тој успеа брзо да се навикне на болидот, што е всушност најтешката работа.