Новите аеро правила на Формула 1 насочени кон намалување на потисната сила беа голем предизвик за тимовите оваа зима бидејќи тие фрлија се во обидот да ги повратат загубите.
Но, додека фокусот за многу тимови беше насочен кон подната површина и веќе се појавија неколку паметни идеи, Мекларен изгледа дека имаа единствено решение за дифузерот.
Пакетот промени на правилата за 2021 година се појави во три дела, вклучувајќи нови барања за подот, каналите на сопирачките и дифузерот.
За дифузерот, кој е моќна алатка за искористување на протокот на воздух под болидот за зајакнување на потисната сила, ФИА наложи дека висината на поделбите на лентите меѓу нејзините канали сега е 50 милиметри пократка.
Иако правилото изгледа прилично едноставно, постоеја сомневања дека Мекларен најде паметно решение за новите правила.
Мекларен особено се грижеа при промоцијата на болидот, а сликите објавени од болидот на денот за снимање во Силверстоун не покажаа ниту еден од важните делови на задниот дел од истиот.
Со тимовите принудени да ги откријат своите дефинитивни 2021 концепти на тестирањето во Бахреин, се покажа дека Мекларен навистина направиле нешто уникатно со својот дифузер.
„Трикот“ е што аеродинамичарите го продолжиле преминот на подот наназад за да ги создадат овие пониски ленти отколку што е можно (бела стрелка).
Овие повисоки внатрешни ленти потоа постепено се истиснуваат нагоре и нанадвор, бидејќи таванот на дифузерот се шири кон надвор. Проширувањето на областа за преод на подот е јасно кога ќе го споредиме со дизајнот што тимот го користеше во Ф1 минатата сезона.
Исто така, тоа е во спротивност со решенијата што ги имаат другите тимови каде длабочината на опсегот е униформирана низ дифузерот, како што може да се види кај Ред Бул.
Идејата на Мекларен е идеја што скоро сигурно ќе биде оценувана од другите тимови за да се види дали има многу придобивки.