Фернандо Алонсо изјави дека е среќен што поминал многу години заедно со Кими Раиконен со кого делеле слични мислења за спортот.
Алонсо и Раиконен дебитираа во 2001 година и двајцата имаа паузи по две години од спортот, имаат титули зад себе, а беа колеги и неколку години во Ферари.
Кога дебитираш имаш јасна цел за тоа што ќе ти донесе иднината. Очигледно имавме одличен период во Формула 1 кога освоивме титула. Среќен сум што поминав многу години со Кими бидејќи тој многу ќе ни недостига – посочи нандо.
Секако тие двајца имаа и доста борби на патеката и покрај тоа Алонсо смета дека Кими има одличен карактер.
Да бидам искрен, тој никогаш не си игра. Тој е тоа што го гледате, Нема маска кај него, секогаш е јасен и гласен во тоа што го сака. Не е ладен како што сите мислат. Треба да го запознаете вистинскиот Кими.