Роберт Кубица помина четири тркачки должини на патеката во Барселона при тестот на новите гуми на Пирели и изјави дека иако е стар, сеуште може да извози толку многу.
Полјакот го помина Вторникот и Средата возејќи за Алфа Ромео на тестот на Пирели, заедно со Алекс Албон за Ред Бул и Даниил Квјат за Алпин ги тестираа новите 18-инчни гуми на Пирели за наредната година.
Полјакот извозе 240 кругови во текот на двата дена и тој е задоволен со возењето што му помага во одржувањето на кондицијата и формата.
Имавме доста продуктивен ден. Секогаш е добро да видиш нови работи и гуми кои се многу важни за Формула 1 и ова е прв ден за нашиот тим со новите тркала.
Поминавме многу километри и собравме многу податоци кои ќе треба да ги анализира Пирели. Би рекол дека имавме многу работа овие два дена. Не сум го возел болидот скоро шест месеци и ова е добар начин да ја задржам кондицијата – свесен е кубица.