Рено веќе се во напредна фаза работејќи на моторот за 2026 година кој ќе биде под нови правила.
Оваа година Формула 1 има нови правила за шасијата, но од 2026 година доаѓаат и новите мотори. Фоклскавен брендовите, Порше и Ауди, веќе најавија дека сакаат да се дел од гридот и тоа преку фабрички тим и производител на мотор.
Шефот на одделот за мотори на Рено, Бруно Фамин, веќе најави дека работата одамна е започната на новите агрегати.
Да, веќе почнавме да работиме според почетните основни правила. Правилата не се финализирани, но ние веќе работиме и сме во напредна фаза.
Рено веќе инвестираа во нова зграда во Вири за склопување на моторите и ја реновираат самата фабрика. Фамин најави дека инвестираат во нови системи и тестови како подготовка за развојот на новата генерација мотори.
Мора цело време да се инвестира, Затоа инвестираме и полека се подготвуваме за 2026 година. Мора да се адаптираат системите на новите технологии и правила. Секогаш има нешто ново за тестирање.
Фамин објасни дека Рено немаат нивно механичко оделение и се фокусираат на конструкцијата и тестот на моторот и работат со доставувачи за да го направат моторот.
Тоа не двои од нашите конкуренти бидејќи немаме свое механичко оделение. Ние се концентрираме на дизајнот и тестот.
Алпин е единствениот тим со Рено мотор на Формула 1 гридот. Овогодинешниот мотор е целосно нов и фокусиран на перформанси, а не на издржливост бидејќи со замрзнувањето на моторите може да се работи само на издржливоста.
Фактот што моторот и болидот се борат понапред е доказ дека добро работиме. Сега треба да го задржиме притисокот.