По Формула 1, Формула Е и ТЦР Европа тркачката серија го започна своето виртуелно првенство на патеката Спа-Франкошамп во Белгија.
25 пријавени возачи кои учествуваат во вистинското првенствог и покажаа своите способности позади симулаторот, а меѓу нив е и нашиот претставник, Виктор Давидовски од тимот на PSS Racing Team.
Денес бевме сведоци на две виртуелни трки, пред кои што се одржа тренинг и квалификациска сесија. Трките беа во должина од 8 кругови околу историската Спа-Франкошамп, а на двете победник беше унгарецот Даниел Наги со автомобил Хјундаи.
Помалку очекувано, трките беа проследени со повеќе инциденти во виртуелниот свет, најголем дел од кои се случија во првиот свиок и по излезот на О’Руж. Давидовски со својата Хонда беше жртва инцидентите во двете трки, но во втората успеа да ги надмине проблемите и да се пласира на 14то место.
Следниот виртуелен настан од ТЦР Европа првенството ќе се одржи на 13ти Мај во Австрија на патеката Ред Бул Ринг.