Со неговите зглобови сè уште бандажирани речиси два месеци по несреќата на квалификациите во Австралија, Фернандо Алонсо откри дека операцијата нема да помогне, напротив нему му треба одмор.
Алонсо се судри за време на квалификациите на патеката Алберт Парк и иако се чинеше дека не беше голем удар, зглобовите на возачот на Алпин го болат по контактот со бариерите. Поминаа речиси два месеци од несреќата, а сепак тој беше забележан по Големата Награда на Монако како се шета со двата зглобови врзани во сини преврски.
Сè уште е од Австралија. Коски, лигаменти, тетиви, сè е хаос во моментов.
Ми требаат два или три месеци и нема операција, ништо не можете да направите. Само да се одморите.
За жал, на секои две недели морам да возам, па се обидувам да се одморам дома, но ќе ми требаат неколку месеци.
Формула 1 има летна пауза од 1 Август во траење од три недели, но тоа не е доволно време за Алонсо целосно да се опорави. Кога на него му рекле дека може да одмори и да го предаде болидот на резервниот возач на Алпин, тој одговори:
На тимот очајно му требаат бодовите.
Алонсо се врати во поени во Монако, завршувајќи на 7то место за да го обезбеди својот трет топ 10 резултат од првите десет на шампионатот. Тој го направи тоа со маестрално бранење на фрустрираниот Луис Хамилтон во последната серија, додека Мерцедес не беа импресионирани со неговото намерно Формула 2 темпо.
Тоа не е мој проблем. Моравме да направиме многу управување со гумите. Имавме загриженост дека жолтите гуми би можеле многу да се трошат на нашиот болид, а првите 10 или 15 круга многу се грижев за гумите.
Потоа повторно притискав кога ми рекоа дека Естебан мора да направи разлика од пет секунди, но во тој момент Хамилтон не сакаше да притиска, за да го држи Естебан позади – да, разочарувачки.