Според медиумите во Данска, плановите за организација на градска трка во Копенхаген веќе напредуваат. Во Септември се зборуваше дека Дански конзорциум почнал преговори со сопственикот на комерцијалните права во Формула 1 околу организација на првата трка во таа земја.
Потоа, данскиот политичар и промотер на трки, Хелге Сандер, беше присутен во падокот во Абу Даби на дополнителни и потемелни преговори со Либерти Медиа.
Данскиот весник Ekstra Bladet пренесува дека Чејс Кери планира во Јануари да го посети главниот град на земјата и да се сретне со Франк Јенсен, Градоначалникот на Копенхаген.
Во исто време, Кери бил силно заинтересиран и Германија да остане перманентно во спортот по 2018 година кога истекува договорот на Нирбургринг и Хокенјахм, пренесува телевизијата SWR. Со Нирбургринг се преговара за трка во 2019 година.