Изгледите Малезија да се врати во календарот на Формула 1 во иднина е попречена од трошоците за обезбедување договор со тркачката серија.
По изданието на трката во 2017 година, Малезија се откажа од Формула 1, откако трката ја организираа секоја година од 1999. Зголемените трошоци за одржување, како и намалената продажба на билети, беа заслужни за исчезнувањето на Гранд При-то од календарот.
Меѓународната патека Сепанг беше миленик на навивачите и до последните две трки, честопати беше планирано да биде домаќин на трка во раните фази на сезоната во Формула 1. Непредвидливото време и природата на распоредот на патеката често предизвикуваа возбудливи настани.
Но, надежите дека ќе се врати во блиска иднина ги смири Министерката за младина и спорт, Хана Јео.
Ф1 е многу скапа. Моравме да чекаме 20 милиони од владата само за да ја надградиме патеката – рече Јео за малезиското издание The Vibes.
Да, можевме да бидеме домаќини на Формула 1 трка, веќе го направивме тоа, но засега, не можеме да си дозволиме да ги одржуваме трките.
Засега ќе ги искористиме парите за итни поправки.
Меѓународната патека Сепанг е домаќин на други големи тркачки категории, вклучувајќи го и МотоГП. Изданието на настанот за 2023 година треба да се одржи во Ноември подоцна оваа година.
Со големото реновирање на патеката, извршниот директор на местото, Ажан Шафриман Ханиф, сподели што се случува на патеката.
Досега, работите за обновување на површината се одвиваа добро, оваа недела го поставивме првиот слој – рече тој.
Се очекува да биде завршено до 27 Април, точно на време за Купот на Порше Карера што ќе се одржи на крајот на месецот.