Откако беше откажана трката во Имола по катастрофалните поплави во областа Емилија Ромања, Формула 1 донираше 1 милион евра за помош на во фондот за помош и спасување.
Но сега, Формула 1 заедно со Пирели и Ферари Тренто ќе ги даде трофеите на аукција, а парите ќе ги даде за помош на засегнатиот регион. Екстремните поплави пред трката на Имола резултираа со откажување на настанот.
Повеќе тимови донираа средства за помош од поплавите и покрај тоа Ф1 заедно со Авто клубот на Италија и Формула Имола се одлучија да ги дадат и трофеите кои требаше да се доделат на аукција. Пирели ја донираше наградата за пол позиција која е потпишана од сите 20 возачи. Ферари Тренто го донираше пенливото вино кои се користи на подиумот кое е потпишано од сите возачи.
Аукцијата ќе се отвори во Сабота и ќе трае до 6 јуни.